Kadudukan Sareng Kautamaan Sholat – Ustadz Abu Haidar Assundawy

0
1294

… Kadudukan Sholat dina ajaran Islam sapertos mastaka dina jasad urang, sakumaha pidauh Nabi shalallahu ‘alaihi wassalam tina hadits anu katampi ti ibnu umar radiallahu ‘anhuma, Rosulullah shallahu ‘alaihi wassalam ngadauh 

لا إِيمَانَ لِمَنْ لا أَمَانَةَ لَهُ , وَلا صَلاةَ لِمَنْ لَا طُهُورَ لَهُ , وَلَا دِينَ لِمَنْ لَا صَلاةَ لَهُ , وَمَوْضِعُ الصَّلَاةِ مِنَ الدِّينِ كَمَوْضِعِ الرَّأْسِ مِنَ الْجَسَدِ

“Teu aya iman kanggo jalmi anu teu amanah, teu aya sholat kanggo jalmi anu teu wudhu, teu aya agama kanggo jalmi anu teu sholat, saestuna kadudukan sholat dina agama ieu sapertos kadudukan mastaka dina jasad urang” Cobi upami mastaka urang leupas, coplok dina jasad urang naon nu kaalaman ku jasad urang? Maot bakal janten bangke.

Kitu deui agama ieu tanpa sholat ibarat jasad tanpa mastaka, hadits anu nembeu diriwayatkeun ku imam athobroni dina kitab alawshat, hadits ieu katampi ti ubaidillah bin umar tur hadits ieu dianggo dalil ku para ulama ngenaan agungna kadudukan sholat.

Kaduana sajabi sholat teh dina agama ieu lir ibarat mastaka dina jasad urang, sholat oge upami diibaratkeun dina bangunan, sholat ieu teh mangrupi tihangna agama ieu, upami hiji bangunan tihangna runtuh atanapi teu aya tihangan runtuh oge sadayana bangunan eta.

Janten upami diibaratkeun dina tubuh sholat teh sapertos mastaka, upami diibaratkeun dina bangunan sholat teh ibarat tihang. Sakumaha pidauh Nabi shalallahu ‘alaihi wassalam dina hiji hadits anu katampi ti muadz bin jabbal radiallahu ‘anhu nabi shalallahu ‘alaihi wassalam netelakeun :

قال رسول الله صلى الله عليه وسلم : ” ألا أخبرك برأس الأمر كله وعموده ، وذروة سنامه ؟ قلت : بلى يا رسول الله ، قال : رأس الأمر الإسلام ، وعموده الصلاة وذروة سنامه الجهاد ..”

Saur Nabi ka muadz bin jabbal daek teu anjeun ku kami dibejaan ngenaan pokok pangkal sagala urusan, tihang pokok pangkal sagala urusan eta, sareng puncak tina pokok pangkal urusan eta teh nu tadi, Saur muadz kersapisan diwartosan ngenaan eta mah wahai rosulullah teras nabi ngawaler “Pokok pangkal1 sagala urusan teh islam, sedengkeun tihang na islam teh sholat, sedengkeun puncak nu pangluhurna dina agama islam nyaeta jihad dijalan Allah”

Sakitu wae cutatan tina ceramah islam perkawis fiqh anu di dugikeun ku ustadz abu haidar assundawy, anjeun tiasa ngadangukeun siaran langsungna unggal dinten salasa sonten tabuh 16:00 mung di radio rodja bandung 1476AM khusus daerah bandung sabudererennana tiasa oge didangukeun ngalangkungan streaming http://live.radiorodjabandung.com, atanapi tiasa sumping langsung ka masjid umar ibnul khatab selacau

Kanggo ngadangukeun ceramah islam ieu dina bahasan nu tos kapengkeur tiasa klik didieu.

Mugi-mugi tiasa mangpaat.

Footnote :

1 dasar pertimbangan sagala urusan nu dilakukeun ku urang kedah didadasarkeun kana ajaran islam, sanes kana adat, tradisi, otak, akal tapi kana agama kana islam.

TINGGALKAN KOMENTAR

Please enter your comment!
Please enter your name here